صور لبيت[بنت الملك عبدالله] . . .

العضو الذهبي 02/09/2007 32 عدد الرسائل : 918

هذا بيت بنت الملك عبد الله
سبحان الله يشبه بيتنا
بس اذا شفتو الصور لا تصكوني بعين اعرفكم

حركاتكم ما تخلونها

***********************************

1/ هاذا المنظر الخارجي للبيت....

حنا بيوتنا في الحوش سيكل لخواني منكسر له سنه طايح
وكفره لـ لشايب وياويل اللي يشيلها
**************************************
2/ هاذا المنظر الداخلي للبيت.....

حنا من داخل فيه نص الكنب والباقي شايلته الوالده
ومكنسة الكهرب تحت الدرج وعلي بالنا الدرج حركه بوسط البيت
والورعان يتزحلقون عليه
***********************************
3/ وهاذي غرفتها......
(( زي غرفتي )) هههههه

احنا غرفنا هاذا اذا كان لنا غرف
تلقا فراش طبعن من غير سرير ملصقه بالتلفزيون
وشماغ طايحه وبطاريات رموت قديمه
وقوطي ببسي قبل ثلالث شهور شاربه

اما غرف اخواتي مطورات السحالي لهم اسره
السرير عليه 15 بكله(( اللي تجي في الشعر)) وعلبت مكياج
مخلصه وتبي تشتري زيها وعبايت فراشه طرفها من تحت مغبر من كثر الدوجه
بالشوارع والأسواق وعلي بالها رومنسيه عنده (( دب )) من ابو ريلين
*************************************
4/ وهاذا المجلس....

حنا مجالسنا فيها قهوه وشاهي من الريجيل اللي كانو عندنا امس
الشباب يتعيجزون يشلوناه والستاره الوالد منزلتها للغسيل قبل شهر
وتورطة بتركيبها
والمكيف وجهيته الورعان صاكينه بالكوره ةطايحه
***************************************
5/ وهاذي صاله جانبيه فيها التلفزيون وطاولة البلياردو....

طبعن احنا ما فيه صاله جانبيه التلفزيون بالصاله الكبيره
وكل العائله يجلسون عليه
والشايب الله يحفظه حاط قناة الجزيره واذا طفش حط العربيه واذا مر علي LBC وشاف مذيعه
قال وجع
وفيه خمسه وخمسين بزر يراكظون في الصاله وكل شوي كابين شئ وكاسرين شي
واللي يرضعون ثمان طعش كلهم يبكون
**********************************
6/ وهاذا الحمام (( ونتم بكرامه)).......

وحنا حماماتنا فيه ليفه معلقه علي السخان وعلب شمبو ضد القشره
وفيه شئ غريب معلقته الشغاله (( كور بيضاء صغيره)) يسمونها (( سفنيك))
مادري وش قصتها

قولو ما شاء الله

تره يشبه بيتنا