كلمتين الي مصر // احمد فؤاد نجم

............................

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ)
بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي
كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا
طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

العضو الذهبي 13/11/2007 39 عدد الرسائل : 828

بجد تسلم ايديك

روعة ورائع وجميل جداااا

» هما مين و إحنا مين ...احمد فؤاد نجم
» كلب الوالي/ للشاعر / احمد مطر
» بعت الملاك يحرسك (احمد راضي )
» اشكال للماسنجر من طرف احمد عادل
» صور اليسا لعشاقها بس من طرف احمد عادل